Breddin

Breddin: FAS og hvítvask
25-11-2021
Í Breddanum kjakast politisk umboð um FAS skipanina

Føroya Altjóða Skipaskrá - ella FAS, sum vit vanliga siga, var upprunaliga gjørd fyri at forða fyri at føroysk skip flaggaðu út - men fyri nøkrum árum síðani varð lógin broytt, so útlendsk skip eisini kundu skrásetast í Føroyum undir FAS. 

Tað hevur stóran týdning fyri marknaðarføringina hjá FAS, at føroyska flaggið er á hvíta listanum, sigur Sjóvinnustýrið, sum miðar eftir at fáa Føroyar millum tíggju fremstu londini á hvíta listanum.

Føroyar eru í løtuni á 31. plássi, eins og vit vóru í fjør.

FAS, mutur og hvítvask

Tað var eftir øllum at døma serliga FAS-skipanin, sum var orsøkin til, at Alain Wan úr Kongo, búsitandi í Belgia, stovnaði All Oceans Logistics saman við soninum André Wan og vinmanninum Franck Thsibangu í september 2013.

Felagið verður sett í samband við hvítvask gøluna Congo Hold-UP, sum í hesum døgum kemur fram í ljósið. Gølan snýr seg um, at Kabila-netverkið í áravís rændi pengar úr kongolesiska ríkiskassanum og flutti pengar niður í egnar lummar.

All Oceans Logistics, fekk árini frá 2013 til 2016 slakar 100 milliónir krónur frá heilsøluni EGAL, sum hevur høvuðssæti í Kinshasa í Kongo.

Tvey onnur feløg, sum sama persónsnetverk kring fyrrverandi forsetan í Kongo eiga, fluttu All Oceans Logistics aðrar 20 milliónir krónur í hesum tíðarskeiðnum.

Tað vil siga, at í alt vóru góðar 120 milliónir krónur fluttar til Føroya.

All Ocean Logistics átti og rak farmaskipið El Niño, sum var skrásett í FAS.

Nógvir fyrimunir vóru við at velja FAS-skipanina framum aðrar skipaskrásetingar. Í FAS-skipanini rindar manningin 35 prosent í skatti av bruttolønini. Skatturin verður síðan endurgoldin reiðarínum, sum rindaði lønina.

Alain Wan, André Wan og Franck Tshibangu hava í alt havt fýra feløg í Føroyum.

Tey eru All Oceans Logistics, sum nú eitur El Nino, Kubilai Khan, Coete og eitt nýtt All Oceans Logistics, sum varð stovnað í 2017.

Feløgini róku farmaskipini El Nino og Kubilai Khan, og gasstangaskipið Luna, sum øll vóru í FAS.

MEN Kongo-gølan er ikki fyrstu ferð, at FAS skipanin verður sett í samband við  ólóglig viðurskifti.

Í sendingini Teir Ómettiligu kom fram at føroyska felagið Tindhólmur var nýtt at rinda skatt til sjómenn í Namibia, til tess at sleppa undan at rinda skatt í Namibia, sum lógin har annars ásetur. 

Tindhólmur hevur rindað skatt eftir tonsaskattalógini - og sermerkt við tí lóggávuni er, at virkar tú eftir henni, so skalt tú einans arbeiða innan shipping - og kann ikki virka í fiskivinnuni. 

Politisk umboð fyri samgongu og andstøðu vitja í útvarpsstovuni fyri at kjakst um FAS skipanina.

Luttakarar: Hans Johannes á Brúgv, stjóri í Sjóvinnustýrinum, Bjørt Samuelsen, løgtingskvinna fyri Tjóðveldi, Johan Dahl, løgtingsmaður fyri Sambandsflokkin og Hendrik Old, løgtingsmaður fyri javnaðarflokkin.

Gjørt sendingina hava John Johannesen og Arnfríð Joensen Dahl, sum eisini var redaktørur.
 

Breddin

Sending um aktuel evni, sum verður send týsdag, mikudag, hósdag og fríggjadag klokkan 10:00.
Lógin um burðadygga ferðavinnu fer at minka um inntøkugrundarlagið á smærru plássunum, heldur stjórin í Jarðum og talsmaður fyri hagapartarnar í Mykinesi
30-01-2024
Høgni Hoydal hevur í dag lagt fram uppskot um gongd í haga til hoyringar. Vit hyggja eisini uppá fíggjarpolitiskt regluverk - hvat er tað og skulu vit hava tað?
26-01-2024
Í sendingini verður ljós varpað á uppskotið frá Joe Biden, forseta, og António Guterres, ST-aðalskrivara, um eina loysn, har palestinar eisini fáa sítt egna land.
25-01-2024
Ein triðingur av matframleiðsluni í heiminum endar sum burturkast. Hvussu sleppa vit undan óneyðugum matoyðsli? Tað spyrja vit um í Breddanum í dag.
23-01-2024
Eygleiðari metir um fyrsta árið hjá samgonguni og løgmaður kemur á gátt í útvarpsstovuni
08-12-2023
Sambært frágreiðingini er føroyska PISA-úrslitið, serliga í støddfrøði, skelkandi
07-12-2023
Løgtingsins Umboðsmaður finst hvassliga at Heilsumálaráðnum í samband við viðgerð av innlitsumbøn
06-12-2023
Umboð úr Trivnaðarnevndini kjakast um hvat kann gerast
05-12-2023
Longu 1. september í ár hevði Kvinnuhúsið fingið eins nógvar áheitanir, sum komu alt árið í fjør
01-12-2023
Norðurlendsku felagsskapirnar hjá teimum, ið bera brek, koma nú við einari áminning á politikararnar
30-11-2023
Tørvurin á sálarhjálp veksur støðugt, men góðar royndir eru við at bjóða næmingum hjálp í skúlanum
29-11-2023
Tommy Petersen, sum í fleiri ár arbeiddi fyri hjálparfelagsskapin Danida í Ramallah, verður í útvarpsstovuni
28-11-2023