- Tíðindi, mentan og ítróttur
Breddin
Rinda havnarborgarar ov nógv í skatti?
Tað er miðdepilin í einum kjaki, nú høvuðsstaðarkommunan hevði næstan 1,2 millard í inntøkum í fjør.
Inntøkur, sum stava fyrst og fremst úr lummunum hjá borgarunum, sum rinda kommunuskatt. Ein skattur, sum hevur verið óbroyttur seinastu fimm árini.
Og tað hevur elvt til kjak, um tíðin ikki er búgvin at lata nakað av peninginum vera verandi í lummunum hjá borgarunum.
Annika Olsen, býráðslimur, og Heðin Mortensen, borgarstjóri, kjakast um evnið í útvarpsstovuni.
Flogskúli
Atlantic Airways fer undir skúlavirksemi.
Á tíðindafundi í morgun hevur felagið kunngjørt, at tað setir á stovn Atlantic Airways Aviation Academy, sum er ein skúli fyri tyrluskiparar.
Frants Jensen var á tíðindafundinum har hann hitti Jóhanna á Bergi, stjóra í Atlantic Airways, og Niels Mortensen, nevndarformann í Atlantic Airways.
Luttakarar: Heðin Mortensen, Annika Olsen, Jóhanna á Bergi og Niels Mortensen.
Gjørt sendingina hava Tróndur Olsen, Frants Jensen og Uni Holm Johannesen, sum eisini var redaktørur.