Tað er trýst á arbeiðsmarknaðinum. Og hevur nú verið tað í nøkur ár.

Fyrst í september boðaði arbeiðsloysisskipanin frá, at ongnatíð áður høvdu so fá fólk fingið arbeiðsloysisstuðul útgoldnan. Hesi vóru 138 fólk. 

Samstundis lýsir heimasíðan hjá ALS í dag við, at tey hava 97 starvslýsingar.

Og enn koyra vit meira á motorin, tí 1. august í ár vóru vit 260 fleiri løntakarar enn um somu tíð í fjør. Í alt vóru 27.594 løntakarar í Føroyum í august, í mun til 138 í als skipanini.

Men enn standa maskinur ómannaðar, og hendur mangla innan bæði heilsu-, eldra og barnaøkið.

Hvørjar avleiðingar hevur tað fyri búskapin og hvat kunnu vit gera.

Tað spyrja vit millum annað búskaparfrøðing, umboð fyri Vinnuhúsið og tingfólk. 

Luttakarar: Johnny í Grótinum, búskaparfrøðingur, Birita Biskopstø, ráðgevi hjá Vinnuhúsinum, Beinir Johannesen, tingmann fyri Fólkaflokkin, Bjørt Samuelsen, tingkvinna fyri Tjóðveldi, og Bjarni Kárason Petersen, tingmann fyri Framsókn. 

Gjørt sendingina hava Tróndur Olsen, Birgit Carina Eliasen og Hallur av Rana, sum eisini var redaktørur.