- Tíðindi, mentan og ítróttur
Breddin
Landið skal hava meira inn í tøkugjaldið frá Alivinnuni - Nakrar milliónir aftrat av milliarda yvirskotunum skulu koma fjøldini til góðar, serliga tá laksaprísurin er høgur.
Samstundis ávarar alivinnan um minkandi íløguhug um gjøldini vera hækkað.
Men er uppskotið um nýggju tøkugjøldini nóg mikið, í einari vinnu við yvirskotum, sum sambært búskaparfrøðingum geva fýra ferðir hægri avkast enn í øðrum vinnum?
Vit tosa við Havbúnaðarfelagið, umframt tvey tingfólk.
Og í gjár var avtala undirskrivað við Novo Nordisk Grunnin, um at styrkja viðgerð og gransking innan diabetes og endokrinologi, við at seta á stovn eina sonevnda Steno Miðstøð í Føroyum. Ein íløga á 123 mió. krónur.
Vit fáa tveir gestir í útvarpsstovuna at siga frá, hvønn týdning hetta kann fáa fyri diabetisviðgerð í Føroyum.
Gjørt sendingina hava Kári Mikkelsen og Tróndur Olsen, sum eisini er redaktørur