Óalment byrjaði danska valstríðið longu fyri fleiri vikur síðan, men nú tykist greitt, at tað almenna valstríðið byrjar. 

Tí á middegi í dag hevur Mette Frederiksen boðið miðlunum til tíðindafund á Marienborg og sambært donskum miðlum er eittans evni á skrá. 

Fráboðan um val. 

Hetta hendir eftir, at forkvinnan fyri Radikalu Venstre, Sofie Carsten Nielsen, í summarferiuni gjørdi greitt, at flokkurin fór at reisa misálit á forsætisráðharran, um hon ikki útskrivaði val í samband við setanina av Fólkatinginum. 

Mette Frederiksen helt setanarrøðu í fólkatinginum í gjár, men tá skrivaði hon ikki út val. Kortini segði hon við tíðindafólk, at valið nærkaðist.

Hóast forsætisráðharrin skrivar út fólkatingsval í dag, fer fólkatingið í morgin at umrøða setanarrøðuna, tí tað stendur í grundlógini.

Vit kanna valfepurin á Christiansborg, har Kaj Joensen er staddur, og í Løgtinginum, har forfólkini í politisku flokkunum eru stødd. 

Gestir: Ruth Vang, Djóni Nolsøe Joensen, John Johannesen, Bill Justinussen, Kaj Joensen, Bárður á Steig Nielsenm, Christian Andreansen, Georg L. Petersen og Høgni Hoydal. 

Gjørt sendingina hava Jógvan Skeel Nolsøe, Tróndur Olsen og Hallur av Rana, sum var redaktørur.