- Tíðindi, mentan og ítróttur
Breddin
Tað gingu 27 ár frá tí, at Marita Petersen legði frá sær sum løgtingsforkvinna til næsta kvinnan í sessinum, Bjørt Samuelsen, tók við. Og enn er tað eingin kvinna, sum hevur sitið í skrivstovuni uttast í Tinganesi síðan sama Marita sat har fyri 29 árum síðan.
Vit hava hitt nýggju løgtingsforkvinnuna til eitt prát um politisku lívsleiðina, sum hevur ført upp til tindin í parlamentarisku skipanini.
Men hví er so nógv tíð farin, síðan Marita Petersen stóð á odda í føroyskum politikki til næsta ættarliðið av leiðandi politiskum kvinnum tóku við?
Tað viðgera vit saman við Kristinu Gry Berg, forkvinnu í Demokratia, Eirikur Lindenskov, blaðstjóra, og Beintu Løwe, fyrrverandi tingkvinna.
Iran
Iranskur kvinnur hava seinastu mánaðirnar volt prestastýrinum í landinum høvuðbrýggj, aftaná at tær hava staðið á odda fyri søguligum stórum mótmælsigongum í kjalarvørrinum av, at Mahsa Amini bleiv dripin av moralpolitinum.
Men fara mótmælisgongurnar at skapa nakra veruliga broyting?
Tað spyrja vit Turið Mariu Jóhansdóttir, forkvinnu í Amnesty International.
Gestir: Bjørt Samuelsen, Kristina Gry Berg, Eirikur Lindenskov, Beinta Løwe og Turið Maria Jóhansdóttir.
Gjørt sendingina hava Birgit Eliasen, Tróndur Olsen og Hallur av Rana, sum eisini var redaktørur.