- Tíðindi, mentan og ítróttur
Breddin
Almennu Føroyar mugu alt fyri eitt gera átøk fyri at basa vaksandi trupuleikanum við ovurfiti millum børn og ung.
Soleiðis ljóðaðu ávaringarnar frá fleiri fakfólkum, tá evnið bleiv viðgjørt í Breddanum í gjár.
Men ætlar landsstýrið at gera nakað við tað? Tað spyrja vit Djóna Nolsøe Joensen, landsstýrismann í barna- og undirvísingarmálum,
Svenskur Nato-limaskapur
Lítið røkist fyri, at sviar sleppa upp í fína NATO-felagsskapin fyribils.
Eitt lítið ár eftir, at teir saman við Finlandi søktu um limaskap í verjusamgonguni, sigur Turkaland kortanei. Finland sleppur uppí, men ikki Svøríki, er boðskapurin.
Vit lodda dýpið í Svøríki, og spyrja um undirtøka framvegis er fyri NATO-limaskapi, og hvat tað ger við svensku sjávluppfatanina, tá sviar fóru frá at vera uttanveltað til at senda limaumbøn til NATO.
Gestir: Djóni Nolsøe Joensen og Lisa Grenfors.
Gjørt sendingina hava Birgit Eliasen, Tróndur Olsen og Hallur av Rana, sum eisini er redaktørur.