- Tíðindi, mentan og ítróttur
Breddin
Almennir stovnar hava fingið boð frá KT-landsins, sum mælir til, at starvsfólk IKKI nýta TikkTokk á sínum arbeiðstelefonum.
Hesi boð koma í kjalarvørrinum av einum kjaki, sum hevur verið um appina TikkTokk um allan heim í seinastuni.
Í fleiri londum hava myndugleikarnir tikið stig til at avmarka nýtsluna av Tikk Tokk appini.
Fleiri stjórnir hava boðað frá, at almenn starvsfólk IKKI skulu nýta appina á arbeiðstelefonum.
Nýtslan av kinesiskari tøkni skal minka, tí myndugleikarnir stúra fyri trygdini, og óttast kinesiskt njósnaravirksemi, skrivar AP tíðindastovan.
Týsdagin kom danski stovnurin fyri trygd á netinum, Center for Cyber Sikkerhed, við sínum tilmæli:
Mælt varð til, at øll almenn starvfólk strikaðu TikkTokk á arbeiðstlefonum, teldlum og teldum.
Mikudagin komu so somu boð av Gjaldstovuni: KT-landsins mælir til, at almenn starvsfólk strika TikkTokk appina av arbeiðstelefonum sínum.
Tilmælið er grundað á fráboðan frá Center for Cyber Sikkerhed.
Í sendingini spyrja vit:
Hví skulu almennu Føroyar banna starvsfólkum sínum at hava TikkTokk appina á arbeiðstelefonini? Er vandi fyri kinesiskari njósning, tá vit nýta TikkTokk?
Hvat ER Tikk Tokk fyri ein miðil?
Hvør brúkar hann?Og ER TikkTokk appin ótryggari at brúka, enn aðrar appir, sum til dømis Facebook ella Instagram?
Lagt sendingina til rættis: Kári Mikkelsen, Elin Winther Poulsen og Tróndur Olsen, redaktørur.