- Tíðindi, mentan og ítróttur
Breddin
Sunnudagin var freistin at viðmerkja lógaruppskotið hjá Høgni Hoydal landsstýrismanni í vinnumálum um hækkaði tøkugjøld í alivinnuni.
Uppskotið byggir á somu skipan sum undanfarna samgonga ætlaði at halda fram við.
Í uppskotinum hjá Høgni Hoydal er stigin longdur - tað vil siga tøkugjaldið hækkar meiri, jú longur prísurin fer upp samanborið við uppskotið hjá undanfarnu samgongu.
Stigin í uppskotinum hjá undanfarna landsstýrið endaði við einum tøkugjaldi uppá 10 prosent av søluprísinum um vinningurin pr kilo er 25 krónur.
Eftir núverandi stiga skulu alifyritøkurnar rinda 20 prosent í tøkugjaldi um prísurin fer upp á 80 krónur kg - og vinningurin er 40 krónur kg.
Lógaruppskotið tryggjar eisini at tøkugjaldið er lægri, tá prísurin á laksi er lágur.
Vit tosa við Landsstýrismannin í Vinnumálum, umboð fyri alivinnnuna, fakfólk og síðst í sendingini er politisk kjak, har vinnunevndin er umboðað.