- Tíðindi, mentan og ítróttur
Breddin
Hvør ræður í Føroyum?
Tann spurningurin hongur yvir báðum evnunum vit hava á Breddanum í dag.
Fyrra er, nær eitt mál verður eitt trygdarmál, og harvið fellir undir trygdarpolitikk, sum ikki er yvirtikið. Spurningurin hevur reist seg enn einaferð nú norðurlendskir miðlar vísa á, at russisk skip hava illgrunarsama atferð, millum annað kring Føroyar, og møguliga njósnast.
Og seinna evni er um gávur.
Eitt er gávan, sum Klaksvíkar Sjúkrahús hevur fingið frá intil víðari ónevndum vinnuligum fyritøkum í Klaksvík, Leirvík og Fuglafirði. Ein framkomin MR-skannari.
Men gávur koma eisini í hesum døgum úr Danmark. Av donsku fíggjarlógini, sum hevur eyðmerkt støð í Føroyum, sum skulu hjúklast um.
Samstundis hava vit eitt løgting, sum er valt at taka avgerðir um hvar pengar skulu brúkast, og hvar teir ikki skulu brúkast.
Men hvat so tá pengarnir koma uttanifrá?
Er tað í lagi, at onnur enn Løgtingið letur pening til almenn endamál og taka ábyrgd har tað manglar, ella er tað at keypa sær good-will og ávirkan?
Tað er Breddin í dag, vælkomin til sendingina.
Luttakarar: Liljan Weihe, Bárður á Steig Nielsen og Beinir Johannesen í fyrru hálvu.
Ruth Vang, Margit Stórá, Erling Eidesgaard, Eyðis Hartmann Niclasen, Anna Falkenberg og Sjúrður Skaale í seinnu hálvu.
Lagt til rættis: Marjun Dalsgaard, Hansa Hansen og Tróndur Olsen, sum eisini var redaktørur.