- Tíðindi, mentan og ítróttur
Credo
Altjóða Holocaust dagur er 27. januar. Dagurin, tá vit minnast ræðuleikarnar undir seinna heimsbardaga. Minnast vit ikki og siga frá, so er tað sum vit endurtaka sorgarleikin. Fólkadráp hendir og henda enn.
Í 1994 og '95 var Katrin Kallsberg í Bosnia send av "læknum uttan landamørk". Har var borgarakríggj og neyðin var stór. Í juli 1995 vóru yvir 8.000 dreingir og menn skotnir og kastaðir í hópgravir. Hetta hendi hóast altjóða samfelagið visti, hvussu vandamikil støðan var.
Katrin Kallsberg heldur, at man eigur at varpa ljós á slíkt og siga søguna til komandi ættarlið, tí tað er mannsømiligt og vit eiga at gera tað.
Hon hevur verið við sínum børnum og víst teimum húsini hjá Annu Frank og hevur eisini verið í Auschwitz við teimum.
Hóast vit her liva trygt og gott, so eru vit øll menniskju og varða av hvørjum øðrum og øll kunnu geva sítt klípi fyri at forða tí ónda og fremja tað góða.