Annika er yngst av fýra systkjum og vaks upp í vanligum, tryggum heimi. Men frá tí hon var um níggju ára aldur til hon var trettan ár, gjørdi abbin seg kynsliga inn á hana. Tá hon sum sekstan ára gomul er á donskum filmskúla og tey arbeiða við dogmefilminum Festen, verður hon var við sína egnu døpru søgu.
Hon breyt tøgnina og abbin fekk dóm.
Men nógv varð skeiklað í hennara lívi og tilgongdin hevur verið svár og long. Men í dag er hon gift og mamma og sigur seg nú hava eitt gott lív.