Í fyrru sendingini síðsta sunnukvøld um føroysku rocklegenduna Robert McBirnie, sum varð 65 ár 1. november, hoyrdu vit m.a. um barna- og ungdómsár hansara, alskin til sjógvin og lærarayrkið, og ættarbond hansara til Onglands og Avstralia. Í hesi seinnu sendingini fara vit aftur um tónleikaran, skemtaran, yrkjaran og ítróttar- og familjumannin Robert. Lagt sendingarnar til rættis hava Leivur Hansen og Bárður Veihe.
Dokumentarsendingar eiga sín fasta part í sjónvarpsskránni. Dokumentar er ein breið sjangra.
Her verða gjørdar bæði featuresendingar við menniskjaligu frásøgnini í sentrum, magasinsendingar og gravandi sendingar við fokus á óreglusemi í samfelagnum.
Innihaldsliga fevna sendingarnar um alt frá søgu, siðsøgu og lívsstíli til sosialrealismu og portrett.