Sunnudagur fyri føstu - sunnudagur í føstuinngangi.

Fyrra tekstarøð

Matteus kap. 3,13-17. 

Jesu dópur 

v13: Tá kemur Jesus úr Galileu til Jórdans til Jóhannesar at verða doyptur av honum.  

v14: Men Jóhannes vildi forða honum og segði: «Mær kundi gjørst neyðugt at verða doyptur av tær, og so kemur tú til mín!»  

v15: Men Jesus svaraði og segði við hann: «Lat tær nú eftirlíka, tí at soleiðis sømir tað okkum at gera alt tað, ið rætt er.» Tá eftirlíkaði hann honum.  

v16: Men tá ið Jesus var doyptur, kom hann við tað sama upp úr vatninum aftur; og sí, himmalin opnaðist fyri honum, og hann sá Guðs anda fara niður sum eina dúgvu og koma yvir hann.  

v17: Og sí, ein rødd kom av himli, ið segði: «Hesin er sonur mín, hin elskaði, sum eg havi góðan tokka til.»