Hvussu ávirkar korona teg og tykkum?

30-03-2020

Tað vil Landsbókasavnið fegin vita, og tí biðja tey fólk um at útfylla spurnarblað á netinum

Hvussu ávirkar Korona-farsóttin tín gerandisdag? Lýs gjarna, hvussu tú hevur tað, og hvussu tú kennir teg.

Soleiðis ljóðar spurningur nummar 4 í spurnarblaðnum, sum liggur á Facebooksíðuni hjá Landsbókasavninum, og sum tey fegin vilja hava føroyingar at svara.

Orsøkin til hetta spurnarblaðið er, at Landsbókasavnið savnar inn upplýsingar um hesa tíðina, sum møguliga kunnu nýtast til at granska í seinni.

- Vit savna longu inn heimasíður, men fáa ikki savnað inn tað, sum gongur fyri seg á Facebook, og tí spyrja vit hendan vegin, sigur Sólvør Hendriksen frá Landsbókasavninum.

Eisini hava tey áhuga í at hoyra um bloggar um evnið, og um dagbøkur, sum fólk føra um koronatíðina.

Vilt tú síggja spurnarblaðið, trýst her

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)