- Tíðindi, mentan og ítróttur
Góðan morgun Føroyar
- Góðtak mína app, og eg skal siga øðrum, hvar tú ert.
Soleiðis er søgan hjá norðmonnum í tíggjutúsundatali, hvørs mobil-upplýsingar ein bretsk fyritøka hevur savnað saman og selt víðari til norska kringvarpið NRK.
Og soleiðis kann søgan eisini vera hjá føroyingum, sigur Torben Nielsen, kt-frøðingur, ið rekur appina alarm.fo.
- Tøknin er hini sama, sigur hann.
Talan er um tíðarfestingar og GPS-koordinatiónir. Út frá hesum ber til at finna útav, hvør eigur hvat.
NRK hevur sporað seg fram til, at 30 ára gamli Karl Bjarne Bernhardsen eigur nakrar av upplýsingunum. Tað er eydnast NRK at finna eitt týðiligt mynstur yvir, hvussu og hvar Karl Bjarne hevur ferðast í fjør.
Fyritøkurnar fáa atgongdina ta sekundið, ið tú góðtekur treytirnar, tá tú leggur appina á telefonina.
Oftast stendur har, at tær einans nýta upplýsingarnir til innanhýsis marknaðarviðurskifti; men tað hendir meira enn so, at orðingarnar eru so leysar, at tær kunnu tolkast sum, at tað er lógligt at geva upplýsingarnar víðari.