Fyrstu tríburar í 16 ár

14-09-2020

- Hetta er fantastiskt, siga Bogi og Inga Thomsen, sum júst eru blivin foreldur at tríburum

Fantastiskt og nógv.

Soleiðis lýsa Bogi og Inga Thomsen kensluna, nú tey eru vorðin foreldur at tríburum.

Tað var tann 3. september 2020, at tey gjørdust foreldur at tveimum gentum og einum drongi. Hetta er fyrstu ferð seinastu 16 árini, at tríburar eru føddir í Føroyum.

Frammanundan eiga Bogi og Inga Thomsen eina tvey ára gamla dóttir.

- Tað er stórur mumnur á at ganga við einum barni og so at bera trý. Eg veit ikki, um tað nakrantíð var friður í búkinum, og eg gjørdi ikki nógv annað enn at sova og eta. Men tað var lítið pláss til at eta, tí børnini tóku nógv pláss í búkinum, sigur Inga Thomsen.

Í morgunsendingini fortaldu Bogi og Inga Thomsen um nýggju tilveruna sum foreldur at tríburum.

Sambært hagtølum eru 10.000 barnsburðir ímillum hvønn tríburabarnsburð.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)