- Tíðindi, mentan og ítróttur
Góðan morgun Føroyar
- Hundaeigarar siga altíð, at hundurin ger einki, men nú havi eg upplivað, at ein hundur kann brádliga hava hug til at leypa á.
Soleiðis sigur Elspa Jóhanna Á Argjum, hvørs hundur, Tim, í farnu viku bleiv álopin av einum leysgangandi hundi.
- Mánakvøldið gekk eg túr við Tim og hevði hann sjálvandi í bandi, sum mann jú eigur at hava. Eg varnist ein annan hund og velji tí at fara yvir um vegin, soleiðis at vit ikki eru á somu gongubreyt. Knappliga er hesin hundurin hjá okkum og leypir á Tim. Eigarin av hesum hundinum kemur rættiliga skjótt til og far skilt hundarnar sundur, fortelur Elspa Jóhanna Á Argjum.
- Eg var øgiliga skelkað beint aftan á hendingina, og tá eg varnaðist, at Tim var bitin og bløddi, so gjørdist eg eisini rættiliga ill og irriterað, sigur Elspa Jóhanna Á Argjum, sum fór til djóralækna við hundinum.
- Nústaðni er Tim komin nøkunlundað fyri seg aftur, men alla ta fyrstu vikuna aftan á hendingina var ógvuliga lítið um hann, og hann vildi ikki út at ganga túr ella nakað. Tá vóru vit bangin fyri, at vit so at siga høvdu mist okkara familjuhund, fortelur Elspa Jóhanna Á Argjum.
Í morgunsendingini fortaldi hon um hendingina og heitti á allar hundaeigarar at hava hund sín í bandi.Tim bleiv álopin av leysgangandi hundi.