Fyri einum mánað síðani fekk John William Joensen úr Klaksvík eina heilt serstaka telefonuppringing.

Boð vóru eftir honum á Ríkissjúkrahúsinum, tí nú hevði hann brádliga møguleika at fáa eina skurðviðgerð í heilan, ið kundi gera tað nógv lættari at liva við parkinson.

Hetta var í tøkum tíma, tí tá var John William ógvuliga illa fyri. Hann tók ógvuliga nógvan heilivág, og virknaðurin av honum var lítil.

Skurviðgerðin eydnaðist væl, og nú kennir hann seg sum ein nýggjan mann.

Í morgunsendingini greiðir John William Joensen frá tilgongdini og nýggja gerandisdegnum.