Ræsta kjøtið í Lollandi eins gott og tað føroyska

15-12-2020

Tað er gott at sleppa undan at plága tey heima í Føroyum fyri at fáa kjøt, sigur Páll Vestergaard

Tá føroyingar uttanlands verða spurdir, hvat teir sakna mest, er maturin ofta ovarlaga á listanum.

Mangan verður lagt nógv fyri at fáa ræst kjøt úr Føroyum, men tað kann vera bæði tvørligt og kostnaðarmikið.

Tí er tað ikki løgið, at fleiri útsetar hava roynt at ræsa og turka kjøt. Úrslitini eru tó ikki altíð til vildar.

Páll Vestergaard og konan fluttu til Danmarkar í 2016. Tey ásannaðu skjótt, at saknur var í føroyska matinum.

Tey gjørdu tí ein kassa við fluguneti, viftum og avfuktara.

Kjøtið, sum verður ræsað og turkað í kassanum, er ógvuliga gott.

Í grundini duga vit ikki at smakka mun á hesum og tí føroyska, sigur sumbingurin, Páll Vestergaard.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)