– Barsilsskipanin er og hevur altíð verið umstrídd

11-02-2021

Ósemja og kjakið um barsilsskipanina botnar í einum virðisstríði, sigur Erika Hayfield, lektari í samfelagsvísindum

Barsilsskipanin bleiv sett í verk fyri næstan 20 árum síðani. Tað var í apríl 2001, men síðani tá eru nógvar broytingar gjørdar í skipanini. Umleið 27 ferðir eru broytingar gjørdar.Harafturat hevur hon líka síðani hon bleiv til elvt til nógv kjak og ósemjur.

Nýggjasta dømi er frá í vikuni, tá løgtingið skuldi viðgera uppskot um at javnseta samkynd foreldur við onnur foreldur í Barsilsskipanini. Málið hevur elvt til nógv kjak seinastu mánaðirnar.

Men tað er ikki bara í hesum máli, at fólk eru ósamd. Ósemja og kjak hevur eisini veirð um, hvussu langt barnsburðarfarloyvið skal vera, hvussu nógvar vikur skulu verða deild millum foreldrini og so framvegis.

Erika Hayfield, lektari í samfelagsvísindum, greiðir nærri frá, hvørjar ósemjurnar eru og hví.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)