- Tíðindi, mentan og ítróttur
Góðan morgun Føroyar
Charlotta á Váli Olsen sigur, at tað var ein vøkur mynd, sum maðurin tók jólamorgun, ið var íblástur til orðini í nýggja sanginum.
Tá Charlotta hevði skrivað nakrar reglur um myndina, bleiv hon løgd á Facebook.
Dóttirin, Jona á Váli Olsen, helt, at henda yrkingin, Spírandi vár, var so vøkur, at hon átti at blivið til ein sang.
Tær sendu Ólavi, beiggja Jonu, yrkingina. Hann settist at gera eitt lag til orðini. Tað tók sína tíð, minnist hann.
Kim Hansen og Ólavur á Váli Olsen hava havt tætt samstarv í hesi vikuni í tilgongdini at fáa sangin lidnan.
Hóast Jona og Ólavur onkuntíð hava sungið saman á konsert fyrr, so er hetta fyrstu ferð, at tey eru saman á studioupptøku. Mamman, Charlotta á Váli Olsen, syngur kór á upptøkuni.
Hetta er nakað heilt serstakt, og tað kann væl vera, at tað bara er byrjanin.
Tónleikur spælir ein týðandi leiklut í familjuni, viðurkenna tey.
Tað er ikki óvanligt, at vit synga tríraddað fyri matinum, siga tey brosandi.
Her kann sangurin hoyrast á YouTube.