Tað eru 35 ár liðin, síðan ræðuligu kjarnorkuvanlukka í Tjernobyl. Spreingingin hendi klokkan 01.23 náttina til leygardagin 26. apríl í 1986, men ikki fyrr enn seinnapart 27. apríl, hálvtannað døgn seinni, vórðu íbúgvarnir í býnum Pripjat, sum liggur 17 kilometrar frá kjarnorkuverkinum, flutt burtur.

Tað gingu fleiri dagar áðrenn umheimurin fekk at vita, at ein kjarnorkuspreinging var hend. Geislavirkin roykur fór 1500 metrar upp í lofthválvið og vindur, regn og skiftandi veður næstu dagarnar førdi geislavirkið avfall um stóran part av Evropa. Hetta vóru stórtíðindi kring allan heimin og eisini í Føroyum.

Hoyr Sonna Smith, fyrrverandi útvarpsmann, greiða frá.