Góðan morgun Føroyar

Svenn stórtrívist sum heilsuhjálpari
04-05-2021
Kanska síggja menn hetta ikki sum ein møguleika, sigur Svenn Martinsson, sum seinastu átta árini hevur arbeitt innan eldraøkið.

Bara 25 av teimum 1.351 starvsfólkunum innan eldraøkið í Føroyum, eru menn. Ein teirra er Svenn Martinsson.

Eg trívist væl í hesum arbeiðinum, og mær dámar væl at kunna hjálpa fólki, sigur Svenn Martinsson, ið bleiv útlærdur fyri átta árum síðani og arbeiðir á Boðanesheiminum í Havn.

Sambært honum eru fleiri orsøkir til, at tað eru so fáir menn, ið velja at útbúgva seg og arbeiða innan eldraøkið.

Eitt er lønin, eitt annað eru tær skiftandi arbeiðstíðirnar, sum ikki rigga so væl hjá teimum, ið hava børn til dømis. Men so havi eg eisini hoyrt onkran sagt, at tað, at arbeiða innan eldraøkið, er eitt arbeiði, sum bara er fyri kvinnur. Og tí hava teir so ongantíð sæð til dømis útbúgvingina sum heilsuhjálpri sum ein møguligan yrkisveg, fortelur Svenn Martinsson.

Hósdagin í farnu viku legði Búskaparráðið fram temafrágreiðing um útbúgvingartørvin innan vælferðartænastur. Tørvurin á útbúnum fólkum hevur manglað í fleiri ár, og hetta er ein tørvur, sum á ongan hátt gerst minni.

Skulu vit um 10 ár hava sama støði sum í dag, skulu vit hava meir enn 700 fulltíðarstarvsfólk afturat. Í morgunsendingini greiddi Svenn Martinsson frá sínum upplivingum og hugsanum um at starvast innan eldraøkið.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Hanus Kjølbro, Eivør, Leif Hansen, Hanne Marit Modal Iversen, og Erna Lava Olsen
27-03-2024
Veðrið, Zakarias Wang, Jens Jákup Hansen og Jónfinn Stenberg
26-03-2024
Hanus Kjølbro, Óluva Klettskarð og Randi Kúrberg
25-03-2024
Veðrið, royking, kapping, Heldarstindur
22-03-2024
Stillavika, kokkakapping, brekumboð
21-03-2024
Veðrið, plantur til matna, móðurmálsdagur, serfrøðingurin
20-03-2024
Nick Carter, veðrið, føroyskt mál, Pippi í SALT, Siloa 100 ár
19-03-2024
Veðrið, samarittar og Sinnibati Ung
18-03-2024
Veðrið, kapping, heimsmeistari í inniróðri, ólavsøkukabarettin
15-03-2024
Veðrið, slipsið hjá Williami Heinesen, sangleikurin 'Vakurleikin & Beistið"
14-03-2024
Hoyr alla sendingina
13-03-2024
Veðrið, ársins sjúkrarøktarfrøðingur, Terji Rasmussen og ein nýggjur sangur, bókaútsøla og javnstøða í fótbólti eru evnini hesa ferð
12-03-2024