Herfyri legði Búskaparráði fram eina temafrágreiðing um tørvin á starvsfólkum á vælferðarøkinum 10 tey næstu árini.

Eitt nú á dagstovnaøkinum er starvsfólkatørvurin sera stórur.

Sparingar og skerjingar hava stóra ávirkan á børnini, sum eru á dagstovni, heldur Jóhannes Miðskarð. Hann er granskari og undirvísir á námsfrøðiliga økinum.

- Tað ávirkar børnini her og nú og eisini upp á longri sikt. Gerandisdagurin verður ávirkaður av, at tey vaksnu strekkja ikki ordiliga til, og so byrja tey kanska at skelda meira, og børnini uppliva kanska, at tey vaksnu eru eitt sindur strang. Upp á longri sikt - og tað er kanska tað, sum er tað álvarsamasta - relatiónsførleikin verður ikki mentur, sum hann eigur, sigur Jóhannes Miðskarð.

Í morgunsendingini fortaldi Jóhannes Miðskarð um avleiðingarnar av, at dagstovnaøkið í stóran mun er merkt av sparingum og skerjingum.