- Tíðindi, mentan og ítróttur
Góðan morgun Føroyar
At samkomar fara í tvíningar kemur fyri viðhvørt. At tvær samkomur leggja saman er hinvegin sjáldsamt.
Hetta hendi tó í Klaksvík sunnudagin, tá Soli Deo Gloria og Karis løgdu saman.
Fyri 12 árum síðani fór ein sáttargerð fram millum tey, sum valdu at fara úr Soli Deo Gloria um aldarskiftið, og tey sum vóru eftir.
Man valdi at góðtaka, at tað nú vóru tvær samkomur, og vælsigna hvør annan í tí verkinum, sum man stóð í.
Um sameiningina verður sagt, at vit meta at samkoman verður meir dynamisk.
Fleiri aldursbólkar verða umboðaðir og spjaðingin geografiskt verður eisini meir fjølbroytt.
Leisturin fyri sameiningina verður, at samkoman Karis leggur sítt virksemi undir Soli Deo Gloria.
Samanlagda virksemi verður í hølunum hjá Soli Deo Gloria á Klaksvíksvegi 56.
Morgunsendingin skiftir orð við Hallgerð Akurstein og Róa Norðoy.