Næmingar og lærarar hugsa grønt

18-05-2021

- Øll mugu broyta vanar og hugburð, sigur skúlaleiðarin í Skála skúla, sum hevur fingið veðurlagsvirðisløn fyri at hugsa burðardygt.

Leivdir úr matpakkanum verða brúktar til tøð. Pappír, sum annars skuldi burtur, verður endurvunnið, og so er eingin einnýtisborðbúnaður at finna.

Í Skála skúla gera lærarar og næmingar nógv við at ansa eftir umhvørvinum. Og hetta dámar Føroya Lærarafelagið so mikið væl, at felagið í ár hevur valt at lata veðurlagsvirðislønina og 25.000 krónur til Skála skúla.

- Hetta snýr seg fyrst og fremst um at broyta vanar og hugburð, og tað kann sjálvandi í summum førum verða avbjóðandi. Men sum heild er grøna leiðin ein positiv uppliving fyri bæði lærarar og næmingar, sigur Nomi Jacobsen, sum er skúlaleiðari.

Í morgunsendingini fortaldu Noomi Jacobsen og tveir næmingar, hvat tey gera í skúlanum fyri at fara enn betur við umhvørvinum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)