Ein eldsál, ið hevur staðið á odda fyri at fremja batar við tí endamáli, at sjúklingurin fær bestu røkt og viðgerð. Hon er sera góð við sjúklingarnar og er ein avbera góður starvsfelagi, sum altíð er til reiðar at hjálpa.

Soleiðis sigur Felagið Føroyskir Sjúkrarøktafrøðingar millum annað um ársins sjúkrarøktafrøðing 2021, sum er 69 ára gamla Tórhild Bærentsen.

Seinastu 38,5 árini hevur Tórhild Bærentsen arbeitt sum sjúkrarøktafrøðingur á skurðgongini á Landssjúkrahúsinum.

Í morgunsendingini greiddi hon frá starvinum, avbjóðingum og upplivingum, hon hevur havt, eitt nú tá hon hevur verið uttanlands í arbeiðshøpi.