Tað eru ymisk sløg av hundum, kettum og øðrum djórum, sum ikki eru loyvd at innflyta til Føroya. Tó eru dømir um, at djórini allíkavæl eru komin inn í landið, og tá hevur tað verið trupult at gera nakað við tað eftirfylgjandi.

Nú er nýggj kunngerð lýst, sum sigur, at myndugleikarnir hava heimild til at gera nakað við ítøkilig mál um djór, sum eru ólógliga innflutt. Fyri eigaran kann tað merkja, at tey antin skulu senda djórið av landinum, ella verður tað avlívað.

Fyri fleiri hundaeigarar hevur hetta skapt nakað av ótryggleika. Í morgunsendingini umrøddu, Helgi Abrahamsen, landsstýrismaður, Nina Brockie og Fríða Matras Brekku, evnið. Tað innslagið kann hoyrast við at trýsta á pílin omanfyri.