Maud vil liva eitt lættari lív

01-06-2021

- Alt var tungt og strævið, og tá eg so bleiv innløgd, tók eg avgerð um at broyta lívsstíl, sigur Maud Wang Hansen, sum er lætnað 45 kilo.

- Eg var bangin fyri at doyggja, og bangin fyri teimum fylgisjúkunum, sum diabetes hevur við sær.

Orðini eigur 55 ára gamla Maud Wang Hansen úr Nólsoy.

Í fleiri ár var Maud Wang Hansen forkvinna í Pedagogfelagnum og javnan at síggja í almenna rúminum. Men tá fólk síggja hana í dag, eru tað fleiri, ið ikki kenna hana aftur.

Seinasta hálvtannað árið er hon lætnað 45 kilo, og tað hevur hon gjørt við nýggjum kost- og rørsluvanum.

Í morgunsendingini greiddi Maud Wang Hansen frá lívsstílsbroytingini, sum hevur givið henni eitt lættari lív.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)