Ert tú í veitslulag, og sanghefti kemur á borðið, tá eru sannlíkindini fyri, at sangurin, Í góðum veðri hann dyrgdi, er í úrvalinum, rættiliga stór.

Upprunin er ein sangur um tveir amerikanskar hermenn, ið eru saman bæði í gleði og sorg. Seinni, um ár 1900, bleiv hann til eina svenska sjómansvísu.

Gjøgnum ein svenskan film frá 1938 verður sangurin kendur í Føroyum, og Hans Andrias Djurhuus, sum fyrr hevði yrkt sjómansrímur, læt seg inspirera av tí svenska sjómanssanginum til enn eina føroyska sjómansrímu.

Sangurin var yrktur í eini skúlastovu, og næmingarnir tóku lut.

Eina løtu var heitið Í Nólsoyarfirði hann dyrgdi, og hatturin var ikki reyður í fyrstu royndini.

Hetta bleiv broytt, og í dag telist Í góðum veðri hann dyrgdi millum best umtóktu felagssangir í Føroyum.