Kanna sambandið millum ílegur og heilivág

15-06-2021

Noomi O. Gregersen og Jónrit Halling eru í toyminum, sum skal kanna, hví heilivágur ávirkar fólk so ymiskt.

Í løtuni kanna granskarar á Fargen, um tað ber til at brúka ílegur hjá fólki, soleiðis at mann kann síggja virknaðin av ávísum heilivági.

Tað er rættiliga ymiskt, hvussu fólk reagera upp á sama heilivág, men hví riggar onkur heilivágur væl hjá einum persóni og sera illa hjá einum øðrum?

Eini 1500 føroyingar, sum eru partur av FarGen-verkætlanini, hava í hesum døgum fingið bjóðað at vera við í eini kanning, har mann kannar sambandið millum ílegur og heilivág.

Tað eru Ílegusavnið, Landssjúkrahúsið og Náttúruvísindadeildin á Fróðskaparsetri Føroya, sum samstarva um hesa verkætlanina.

Noomi O. Gregersen, Ph.d. og verkætlanarleiðari fyri FarGen og Jónrit Halling, Ph.d. frá Náttúruvísindadeildini á Setrinum, greiddu frá verkætlanini í morgunsendingini.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)