Hin 5. juli 2017 var ein stórur dagur fyri deyv í Føroyum. Tá samtykti løgtingið at broyta kunngerðina um Málráðið, soleiðis at føroyskt teknmál eisini gjørdist alment føroyskt mál.

Tá deyvamálið er viðurkent, fylgja nøkur sjálvsøgd rættindi við hjá teimum deyvu, og tað er her tær báðar, Ingibjørg Jacobsen, sum er dagligur leiðari á Deyvafelagnum og Kristina Johannesen, socialráðgevi og deyvaráðgevi, síggja stóru avbjóðingina hjá felagnum.

Ein av stóru arbeiðsuppgávunum hjá teimum er, at fáa Deyvafelagið, sum er eitt áhugafelag, til ein stovn undir tí almenna, so tað verður lættari at fáa alla vitan og serkunnleika undir somu lon.

Lurta eftir innslagnum her