Tað eru ikki øll, sum taka av møguleikanum at selja ullina til Búnaðarstovuna, tí enn verður stórur partur av henni brendur á rættini, sigur Joana Bjarnastein, ið tekur sær av at skilja og flokka ullina, sum Búnaðarstovan keypir.

Í ár komu umleið 25 tons av ull inn tann góða mánaðin, ullamóttøkan var opin, og eftir at hon er flokkað verður hon seld teimum, ið virka ullina til vørur.

Ein av teimum, ið sær virðið í føroysku ullini er Dorthea Joensen, sum umframt at skipa móttøkuna av ull á Búnaðarstovuni, eisini er bóndi á Signabø. Har hava tey seinastu árini roynt seg við tógvi av egnum seyði, og tey eru stak væl nøgd við úrslitið.

Sí video av ullaskiljingini her