Broytti lívsstíl og fekk normalt blóðtrýst

07-09-2021

- Var eg ikki farin til læknan, so eg hevði eg ongantíð vitað, at eg hevði ov høgt blóðtrýst, sigur Steinbjørn V. Olsen.

- Eg visti als ikki av, at eg hevði eitt alt ov høgt blóðtrýst. Var eg ikki farin til læknan, so hevði eg ongantíð vitað av tí, og so kundi kanska gingið heilt galið.

Orðini eigur Steinbjørn V. Olsen. í fleiri ár hevði hann ov høgt blóðtrýst

Ráðini frá læknanum vóru púra greið: Steinbjørn skuldi røra seg meira í gerandisdegnum, og royna at eta heilsubetri. Og tað riggaði.

- Í dag taki eg so at siga ongan heilivág fyri blóðtrýstið, og eg venji seks dagar um vikuna. Eg havi tað upp á allar mátar betri, sigur Steinbjørn V. Olsen.

Sætti hvør persónur á klótuni hevur ov høgt blóðtrýst. Tað staðfestir heimsheilsustovnurin, WHO, í nýggjari kanning.

Hoyr Jan Rasmussen, hjartalækna, greiða frá vandunum, sum kunnu standast av ov høgum blóðtrýsti.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)