Á svimjislóð Sigmunds Brestissonar

07-09-2021

Seinasta týsdag svumu seks menn úr Stóru Dímun til Sandvíkar í Suðuroy.

Týsdagin 31. august 2021 svumu havsvimjarar úr svimjibólki úr Havn um Suðuroyarfjørð úr Stóru Dímun til Sandvíkar.

Svimjararnir vóru Erling Eidesgaard, Jon Hestoy, Oluf Færø, Erling Høgnesen og Niels Juel Arge. Erlendur Simonsen svam partar av teininum.

Leiðin, ið svomin varð, er helst sama leið, ið Sigmundur Brestisson sambært Føroyingsøgu svam fyri góðum 1000 árum síðani, tá ið teir flýddu undan Tróndi í Gøtu.

- Summi velja at ganga upp á allar fjallatindarnar í Føroyum. Okkum dámar at svimja serstakar teinar, sigur Erling Eidesgaard, ein av teimum seks svimjarunum.

Í morgunsendingini greiddu hann og Oluf Færø frá svimjitúrinum, sum teir gjørdu tann 31. august 2021 yvir um Suðuroyarfjørð.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)