- Tíðindi, mentan og ítróttur
Góðan morgun Føroyar
Borgarstjórin, Jógvan Kruse, lovar, at okkurt er til øll, tí skráin bjóðar 71 tiltøk, ið fevna um alt frá renning og súkkling, til trillubørukappingar, listaframsýningar og tónleik.
- Kommunan sjálv skipar bara fyri trimum tiltøkum, og hinum skipa bygdafólkini fyri hvør í sínum lagi, leggur hann afturat.
Ein fastur og afturvendandi táttur á mentanardøgunum er kelvarenningin sunnudagin, har runnið verður úr øllum bygdum í kommununi til Oyrar. Hetta merkir, at øll kunnu vera við, tí teinurin frá Oyrarbakka til Oyrar teinur er 2,1 km, meðan teinurin frá Gjógv til Oyrar er 25,3 km.
Kelvarenningini skipar áhugabólkurin 'Sundalagsfólk í renniskóm' fyri, og Regin Thomsen, sum er ein av fyriskiparunum, fær úr at gera, tí mánadagin letur hann upp nýggjan handil við Norðskála, nevndur Brillusmiðjan, har eisini málningaframsýning verður mentanardagarnar.