Tað er í kvøld at filmsfelagið sýnir Margrete den Første í Havnar Bio. Filmurin snýr seg um eina hending í lívinum hjá drotningini, sum var tann, ið skapti frið í meira enn hundrað ár í okkara parti av heiminum.

Talan er um dýrasta film við danskari talu, sum nakrantíð er gjørdur, og ein av orsøkunum til hetta er, at arbeitt hevur verið við øllum smálutum, tá tað snýr seg um búnar, pallsmíð og alt hitt, sum vit síggja á skíggjanum.

- Tað eru meira enn 10 ár síðan, eg fór undir at arbeiða við søguni um hesa kvinnu, sum var so heilt fantastisk, tí hon megnaði nakað, sum kongarnir undan henni ikki megnaðu, sigur Charlotte Sieling.