Sóknast eftir tilfari um Fiskepigernes fagforening

15-10-2021

Í januar verður Fiskepigernes Fagforening 100 ár. Fiskepigerne er elsta fakfelag fyri kvinnur í landinum, og nú verður sóknast eftir søguligum tilfari um fakfelagið

Komandi ár, hin 29 januar 2022, verður Fiskepigernes Fagforening 100 ár. Fiskepigerne er elsta fakfelag fyri kvinnur í landinum.

Ætlanin er at markera dagin næsta ár og í tí sambandi sóknast Tvøroyrar Skjalasavn eftir tilfari frá søgu felagsins. Longu nú hevur savnið rúgvismikið tilfar í varðveitslu, men á skjalasavninum eru tey ikki í iva um, at enn meiri tilfar finst kring landið.

Kári Jespersen er savnsleiðari á Tvøroyrar Skjalasavni.

Um so er, at tú hevur tilfar at lata, so ber til at seta seg í samband við savnsleiðaran, Kára Jespersen á tlf 217259 ella at senda teldupost á karij@tvoroyri.fo.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)