Soleiðis sigur Snorri Brend, sum hevur skrivað bókina 'Vit liva og virka' í samband við 40 ára stovningardagin hjá MEGD, sum varð sett á stovn 24. oktober 1981. Tá var navnið Meginfelag teirra brekaðu í Føroyum.

Bókin sigur søgur hjá fólkum, ið eru limir í teimum 24 limafeløgunum, ið mynda MEGD, um avbjóðingar og hvussu tú kemur víðari við hesum avbjóðingum.

MEGD hevur til uppgávu at umboða øll hesi feløg og fáa í lag broytingar í samfelagnum, limunum at frama.

Føðingardagurin verður hildin í Norðurlandahúsinum í dag, og til ber at tekna seg á heimasíðuni nlh.fo. Her verður bókin eisini løgd fram.