- Tá vit tosa, so vilja vit fegin, at okkara lurtarar kenna tað, sum sita teir við borðið saman við okkum, og tað gera tey bert, tá tey kenna seg aftur í málinum. Tí leggja vit okkum eftir, ikki at brúka ov long ella torskild orð, siga tær báðar Annika Dalsgaard og Rannvør Fríða Eyðunsdóttur. Tær eru vertir á Gentuvesinum, sum er ein partur av ungdómskonseptinum Biit.

Tá tað er sagt, so leggja tær tó afturat, at hetta sjálvandi ikki merkir, at tær siga nei takk til kritikk.

- Øll vit ungu, sum fáast við miðlar, vilja fegin hava kritikk, sum vit kunnu brúka til at gerast betur til tað vit gera, leggja tær afturat.