- Um eitt barn er dottið og hevur sligið seg í, so kann eg ikki standa í fjarstøðu og siga, at tað nokk skal ganga, og at tað sjálvt skal seta plástur, sum eg havi lagt á eitt borð, á knæið.

Soleiðis sigur Eyðbjartur Sólheyg Skaalum, og Súsanna Eliasen er samd.

- Hvussu skulu børn í vøggustovu kunna skilja, at tey ikki kunnu vera tikin upp og klemmað, tá tey hava tørv á tí? Tað ber heilt einfalt ikki til, sigur hon.

Eins og støðan er hjá nógvum øðrum fólkum á arbeiðsmarknaðinum ber ikki til hja teimum at halda frástøðu, um tey skulu gera sítt arbeiði til lítar.