Fyri 10 árum síðani gjørdi Steen Rói Lorenzen eitt veddimál við ein vinmann. Hann veddaði uppá, at hann megnaði at gera eitt hitt. Síðani spurdi hann Ragnar Davidsen, um hann vildi vera við, og hann játtaði. Eftir tað kom lagið "Gentan er farlig" út, og Steen Rói vann veddimálið. Síðani tá hevur Swangah givið út tríggjar útgávur og fleiri stakløg, sum hava verið væl umtókt. 20. novembur fara teir at hátíðarhalda hetta við eini stórari føðingardagskonsert í sjónleikarhúsinum. 

Í hesum innslagi greiður manningin í bólkinum frá, hvussu Swangah byrjaði, og hvar áhugin og íblásturin til tekstirnir stava frá.