Góðan morgun Føroyar

Allan bleiv hart raktur av koronu
08-11-2021
- Eina løtu var eg ikki sørt fjálturstungin, tí eg var nakað so illa fyri, sigur Allan Samuelsen, sum hevur verið sera hart raktur av koronu.

Ússaligur og fjálturstungin.

Hesi tvey orðini lýsa væl , hvussu Allan Samuelsen úr Havn hevur havt tað teir seinastu 14 dagarnar.

Herfyri var hann til arbeiðis sum ambulansuviðgerði og eftir at hava koyrt við einum sjúklingi, sum seinni fekk staðfest koronu, fekk Allan Samuelsen eisini koronu.

- Vit skuldu hava stóra veitslu heima, tí dóttirin bleiv 30 ár, men sama kvøld bleiv eg uppringdur við boðunum um, at eg hevði koronu og skuldi á gistingarhús at sita í sóttarhaldi, fortelur Allan Samuelsen.

Tað var tó ikki fyrr enn nakrar dagar seinni, at hann veruliga merkti nakað.

- Eg var ógvuliga ússaligur, hevði høgan fepur og hevði trupult við at anda. Hasar dagarnar var eg ikki sørt fjálturstungin, tí soleiðis havi eg ikki havt tað fyrr, fortelur Allan Samuelsen.

Hóast hann bleiv staðfestur frískur leygardagin og kundi fara beint aftur til arbeiðis, merkir hann væl, at korona hevur sett síni spor.

- Eg eri framvegis trongur og merki væl, at eg fái ikki anda sum vanligt. Harafturat er eisini ein øgilig møði. Men nú vóni eg, at tað fer at ganga framá, sigur Allan Samuelsen, sum er koppsettur tvær ferðir.

- Tað eru útvið 10 mánaðir, síðani eg bleiv koppsettur, so virknaðurin av koppsetingini er sjálvandi ikki nóg stórur meir. Men eg skal eisini í næstum hava triðja prikið, sigur Allan Samuelsen.

Í morgunsendingini greiðir hann frá upplivingini við koronu.
 

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Hanus Kjølbro, Eivør, Leif Hansen, Hanne Marit Modal Iversen, og Erna Lava Olsen
27-03-2024
Veðrið, Zakarias Wang, Jens Jákup Hansen og Jónfinn Stenberg
26-03-2024
Hanus Kjølbro, Óluva Klettskarð og Randi Kúrberg
25-03-2024
Veðrið, royking, kapping, Heldarstindur
22-03-2024
Stillavika, kokkakapping, brekumboð
21-03-2024
Veðrið, plantur til matna, móðurmálsdagur, serfrøðingurin
20-03-2024
Nick Carter, veðrið, føroyskt mál, Pippi í SALT, Siloa 100 ár
19-03-2024
Veðrið, samarittar og Sinnibati Ung
18-03-2024
Veðrið, kapping, heimsmeistari í inniróðri, ólavsøkukabarettin
15-03-2024
Veðrið, slipsið hjá Williami Heinesen, sangleikurin 'Vakurleikin & Beistið"
14-03-2024
Hoyr alla sendingina
13-03-2024
Veðrið, ársins sjúkrarøktarfrøðingur, Terji Rasmussen og ein nýggjur sangur, bókaútsøla og javnstøða í fótbólti eru evnini hesa ferð
12-03-2024