Malavi er eitt trygt land

11-11-2021

Sjálvt um nógvar náttúruvanlukkur raka landið, so er eingin yvirgangur ella annað tílíkt, sigur Sanna N. Djurhuus, sum skal búgva har í eitt ár.

Sanna Nolsøe Djurhuus hevur nógv at seta seg inn í, áðrenn hon seinni í vikuni fer til Malavi, har hon næstu 12 mánaðirnar skal arbeiða við einari ávaringarskipan, ið skal hjálpa, tá náttúruvanlukkur raka.

Tað er Reyði Krossur Føroyar, sum sendir Sonnu avstað, tí tað er umráðandi, at vit eisini gera okkara, tá tað snýr seg um veðurlagsbroytingarnar.

- Sanna fær nú vitan og kunnleika innan øki, sum avgjørt kunnu gerast viðkomandi her heima hjá okkum, sigur Bárður Atlason Ísheim, dagligur leiðari í Reyða Krossi Føroyar

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri. Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)