Spælival er eitt viðgerðartilboð, sum Almannaverkið bjóðar ungum við sosialum avbjóðingum.

Tað er Barbara Krossteig, ergoterapeutur, sum hevur tikið stig til nýggja viðgerðartilboðið. Seinastu tvey árini hevur hon ment konseptið.

- Tað vísir seg, at rolluspøl, so sum Dungeons and Dragons, kunnu hjálpa fólkum, sum hava trupult við tí sosiala. Eg upplivi, at tá tey spæla eitt borðspæl eru reglarnar longu fastsettar fyri, hvør skal siga og gera hvat nær. Og júst tað fær hesi fólkini at vera sosial, hóast tey annars hava trupult við júst tí, sigur

Barbara Krossteig, sum í løtuni hevur fleiri bólkar við fólki í aldrinum 18-30 ár.

Í morgunsendingini greiddi hon frá hugskotinum, og hvussu borðspøl kunnu betra um sálarheilsuna hjá fólki, sum eitt nú hava sosialar avbjóðingar.