Korona hevur gjørt, at alt fleiri fólk í Norra leita sær í hagan, sigur aðalskrivarin í Norsk friluftsliv, Bente Lier.

Tað er gagnligt fyri bæði kropp og sál at ganga í náttúruni, og hetta hava tey flestu tikið til sín. Tó er framvegis ein triðingur, ið heldur velur sofuna. Teimum royna vit nú at røkka, leggur hon aftrat.

Tiltakið Gongd í haga í Norðurlondum verður í Smæruni í J.H. Schrøtersgøtu 7 í Havn og er frá kl. 13-17. Ráðstevnan er almenn og ókeypis.

Neyðugt er at hava koronupass ella líknandi skjalprógv við, ella negativa koronutest, ið ikki er eldri enn 48 tímar, fyri at luttaka á ráðstevnuni.

Ráðstevnan verður stroymd á hesum facebook-vanga.