Góðan morgun Føroyar

Ónøgd við staðsetingina av nýggju kirkjuni
17-11-2021
Fleiri enn 1300 fólk hava undirskrivað mótmælisskriv í sambandi við staðsetingina av nýggju kirkjuni á Argjum.

Varðveitið fríøkið við Sandá.

Soleiðis eitur ein bólkur á Facebook, og limirnir í bólkinum ynskja ikki, at nýggja kirkjan á Argjum skal byggjast á fríøkinum við Sandá.

Urd Johannesen hevur tikið stig til at savna saman undirskriftir fyri at mótmæla staðsetingini av nýggju kirkjuni.

- Vit eru ótrúliga nógv, sum dagliga fegnast um hetta staðið, og sum gagnnýta økið hvønn dag. Hetta er eitt petti av haga, sum liggur mitt á Argjum við fantastiskum, flottum klettum. Her eru fleiri enn 70 ymisk sløg av plantum. Á allan hátt er hetta eitt øki, sum er vert at varðveita, soleiðis sum Várharra hevur skapt tað, sigur Urd Johannesen.

Hon heldur, at atlit eiga at verða tikin til náttúruna í hesum føri:

- Verður økið fyrst lagt undir asfalt, og ein stórur betongbygningur kemur at standa har, so er tað ófrávíkiligt, og vit fáa tað ongantíð aftur. Vit kunnu ikki flyta náttúruna, men vit kunnu flyta arkitektur, sigur Urd Johannesen.

Andrass Holm Arge er næstformaður í kirkjuráðnum á Argjum. Ráðið tekur undir við ætlanini hjá Tórshavnar kommunu at byggja nýggju kirkjuna á fríøkið við Sandá:

- Mótmælini, sum hava verið líka síðani 2010, hava fingið drúgva viðgerð í yvirfriðingarnevndini. Yvirfriðingarnevndin hevur staðfest tann 26. oktober í ár, at hvørki staðsetingin ella útsjóndin av bygninginum virkar skemmandi upp á økið, sigur Andrass Holm Arge, og vísir á, at bygningurin verður hegnisliga lagdur inn í lendi:

- Mann sær væl á staðsetingini á tekningini, at tað liggur soleiðis fyri, at allar gøtur og umhvørvið annars er varðveitt, og tað verður eitt satt prýði fyri økið at fáa ein vakran bygning, sum kemur at liggja her í økinum, sigur Andrass Holm Arge.

Í morgunsendingin var orðaskifti um staðsetingina av nýggju kirkjuni á Argjum.

Góðan morgun Føroyar

Góðan morgun Føroyar er á skránni gerandismorgnar frá klokkan 7:35 til 9:50. Sendingin loftar aktuellum evnum, hevur fastar tættir og leggur upp til interaktivitet. Alt er kryddað við tónleiki, nýggjum og eldri.   Samband: gmf@kvf.fo, telefonnummar +298 347500 Góðan morgun Føroyar á Facebook (letur upp í nýggjum kaga)
Hanus Kjølbro, Eivør, Leif Hansen, Hanne Marit Modal Iversen, og Erna Lava Olsen
27-03-2024
Veðrið, Zakarias Wang, Jens Jákup Hansen og Jónfinn Stenberg
26-03-2024
Hanus Kjølbro, Óluva Klettskarð og Randi Kúrberg
25-03-2024
Veðrið, royking, kapping, Heldarstindur
22-03-2024
Stillavika, kokkakapping, brekumboð
21-03-2024
Veðrið, plantur til matna, móðurmálsdagur, serfrøðingurin
20-03-2024
Nick Carter, veðrið, føroyskt mál, Pippi í SALT, Siloa 100 ár
19-03-2024
Veðrið, samarittar og Sinnibati Ung
18-03-2024
Veðrið, kapping, heimsmeistari í inniróðri, ólavsøkukabarettin
15-03-2024
Veðrið, slipsið hjá Williami Heinesen, sangleikurin 'Vakurleikin & Beistið"
14-03-2024
Hoyr alla sendingina
13-03-2024
Veðrið, ársins sjúkrarøktarfrøðingur, Terji Rasmussen og ein nýggjur sangur, bókaútsøla og javnstøða í fótbólti eru evnini hesa ferð
12-03-2024