Karamellur, grantrø, hugni og gleðisstundir er tað, sum aloftast verður sett í samband við jólini. Ikki minst í jólasangum. Men nýggi jólasangurin hjá Una Debess hevur eitt annað sjónarhorn.

- Hetta er ein roynd at fáa fólk at steðga á og hugsa um, hvat jólini í veruleikanum snúgva seg um.

Einki verður ballað inn í tekstinum. - Børnini syngja um eini gleðilig jól. Sum um vit kunnu krógva, at materialisman gleðina stjól, syngur hann.

Tað eru ikki altíð tær dýru gávurnar, sum vit minnast. Hinvegin er tað tað, sum kenslur eru lagdar í. Sjálvur minnist Uni Debess væl ein knív, sum pápin, Per Debess gjørdi. Tað er ein gáva, sum framvegis hevur stórt virði í hansara hugaheimi.

Tey flestu stremba eftir, at alt skal ganga upp í eina hægri eind á jólum, men millum dýrabarastu jólaminni hjá Una Debess er, tá hann og pápin sótu í kjallaranum og ótu corned beef úr blikki, sum var hitað á einum primus.