Sjálvt um flestu føroyingar hava lært at svimja, so er lang ímillum tøkini hjá nógvum, og tað er hetta, Rókur í Jákupsstovu, formaður í Svimjisambandinum, fegin vil varpa ljós á við einum svimjiførleikaátaki, tey eru farin undir.

- Tey siga, at lærir tú at súkkla, so gloymir tú tað aftur. Tað sama kann fyri sovítt sigast um at svimja, men munurin er bara, at um tú ikki ert í hampuligum formi, so orkar tú ikki at svimja. Tí bjóða vit føroyingum at royna seg og svimja 200 metrar, og klára tey tað, so fáa tey eina nál afturfyri.

Tann fyrsti at royna seg við teimum 200 metrunum var løgmaður, Bárður á Steig Nielsen, sum hevur svomið síðan hann var smádrongur í høllini í Vestmanna, men hann var eitt sindur pøstur, tá hann kom á mál.

- Eg má staðfesta, at tað er ikki tað sama at svimja 200 metrar, sum tað er at renna teir, segði løgmaður áðrenn fyrsta nálin varð handað honum.